diwai-detox-diet- தீபாவளிக் கு பிறகு டீ டாக்ஸ் டயட்

தீபாவளிக்கு பிறகு டீ டாக்ஸ் டயட்

தீபாவளிக்குப் பின்பு உங்கள் உடலை டீ டாக்ஸ் டயட் செய்து ஹெல்தியாக வைத்துக்கொள்ளும் வழிமுறைகளை பகிர்ந்தளிக்கிறார் -சீமா மாட்டோ

தீபாவளிக்கான கடைசி ஒரு வாரத்தில் அளவுக்கு அதிகமாக உண்டு, ஆட்டம் போட்டவரா? 

கொண்டாட்டங்கள் முடிந்து, இப்போது உணவுகளை பற்றி நினைத்தாலே உங்களுக்கு குமட்டல் வருகிறதா? அப்படியென்றால், பொரித்த அல்லது வறுத்த நொறுக்கு தீனிகளுக்கும், இனிப்புகளுக்கும் இனி நீங்கள் குட்- பை சொல்ல வேண்டிய நேரம் வந்துவிட்டது என்பதற்கான அறிகுறிகள் இவை. உங்களது உணவு முறையில் பழங்கள் அல்லது காய்கறிகளுக்கு இடமில்லை என்பதால் தான் இந்த சிக்கல். உங்கள் செரிமான அமைப்பில் உள்ள நச்சுகள் அனைத்தையும் வெளியேற்றி, உங்கள் உடலை மீண்டும் பழைய நிலைக்கே கொண்டு செல்ல வேண்டும். உங்களது வாழ்க்கை முறையில் சில மாற்றங்களை மேற்கொள்வதன் மூலம், இதை நீங்கள் செய்யலாம். உணவூட்டம் மற்றும் விளையாட்டு ஊட்டச்சத்து நிபுணரான தீப்ஷிகா அகர்வால் கூறுகையில், "ஒரு டீடாக்ஸ் டயட் எனப்படுவது (ஒரு வேளை அல்லது ஒருநாள் முழுவதும் பச்சை காய்கறி, பழம் மட்டும் உண்பது) அதிகமான ஆன்டி-ஆக்சிடென்ட்களுக்கு முக்கியத்துவம் தரும்; வறுத்த, காரமான உணவுகளால் பாதிக்கப்பட்டுள்ள செரிமான அமைப்பில் சேர்ந்துள்ள ஃப்ரீ-ரேடிக்கல்களை அகற்ற போராடவும், வளர்சிதை மாற்ற விகிதம் மற்றும் நோய் எதிர்ப்பு சக்தியை அதிகரிக்கவும் தேவைப்படுகிறது" என்கிறார். 

உணவு உட்கொள்ளுதலை கட்டுப்படுத்துங்க 

எண்ணெய் நிறைந்த எல்லா உணவையும் சாப்பிட்ட பிறகு, முதலில் செய்ய வேண்டியது வறுத்த அல்லது பொரித்தவற்றை நிறுத்துவது தான். சில நாட்களுக்கு எண்ணெயே வேண்டாம் என்று மறந்திருந்தால் கூட நல்லது. நெய் தடவாத ஃபுல்காஸ் அல்லது ரொட்டிகள் சாப்பிடலாம்; வெண்ணெய் தடவிய புரோட்டாக்களை தவிர்க்க வேண்டும். அதற்கு பதிலாக உங்கள் உணவை நெருப்பில் வாட்டியோ அல்லது நீராவியில் வேக வைப்பதை நீங்கள் தேர்வு செய்யலாம். டயட்டீஷியனான சாகினா பத்ராவாலாவின் கூற்றுப்படி, "தீபாவளி டீடாக்ஸ் டயட் என்பது வழக்கத்தை விட கடுமையான டயட் என்று பொருள். எனவே, வழக்கமான உணவில் பாதி அளவாக குறைத்து, குறிப்பாக கார்போஹைட்ரேட்டுகளின் உட்கொள்ளவதை குறைத்து, நார்ச்சத் துக்கான பழங்களுக்கு முக்கியத்துவம் தர வேண்டும். ஒரு சிறந்த டயட்டில் பழங்கள் / முட்டை / காலை உணவுக்கு பால், மதிய உணவுக்கு பழங்கள் / கிரீன் டீ, குர்முரா / பகுதியளவு காய்கறி, பிரவுன் பிரெட் சாண்ட்விச், தேநீர் / காபியுடன் மாலை மற்றும் இரவு உணவிற்கு பாலுடன் பழ சாலட் ஆகியன அடங்கும்" என்கிறார்.

அதிகளவு பானம்!

பண்டிகை காலத்தின் போது, உங்கள் உடலின் நீரோட்டத்துடனும், புத்துணர்வுடனும் வைத்திருப்பது மிக முக்கியம் அல்லவா. இதற்கு சிறந்த தாகம் தணிப்பானா இருப்பது தண்ணீர் தான். ஒவ்வொரு நாளும் குறைந்தது 6 முதல் 8 டம்ளார் தண்ணீர் பருகுவதை நீங்கள் உறுதி செய்து கொள்ள வேண்டும். பழச்சாறுகள், தேங்காய் தண்ணீர், மோர், கிரீன் டீ போன்ற பிற திரவங்கள், பழச்சாறு மற்றும் காய்கறிகளுடன் (தர்பூசணி, வெள்ளரி, தக்காளி, செலரி போன்றவை) உங்கள் உணவில் இன்றியமையாத ஒன்றாக மாற்றிக் கொள்ளுங்கள்.கூழ், கஞ்சி, பழ ரசம் போன்ற பருகக்கூடிய உணவுகளை நீங்கள் அதிகம் சேர்க்கலாம். இது உங்களின் ஊட்டத்தையும், உடல் நீர்ச்சத்தையும் அதிகரிக்கும். பயணத்தின்போது இந்த பானங்களை நீங்கள் வைத்திருக்கலாம்; உங்கள் தீபாவளி ஷாப்பிங்கை தடையின்றி அனுபவிக்கலாம். தீபாவளி பண்டிகையின் போது உடல் அமைப்பை சுத்தப்படுத்தவும் சுத்திகரிக்கவும் திரவங்கள் அவசியம். ஏனென்றால், காற்று மாசுபாடு அளவு மிகஅதிகமாக இருப்பதால் பல்வேறு இரசாயனங்கள் உடலில் நுழைந்து அழிவை ஏற்படுத்தும். பண்டிகை காலங்களில் உங்கள் சரும சுவாசத்திற்கும் புத்துணர்வுக்கும், உபாதை குறைவுக்கும் திரவங்களும் அவசியம்.