delay-the-greying-of-your-hair கூந்தல் நரையை கொஞ்சம் தள்ளிப் போடுங்கள்

கூந்தல் நரையை கொஞ்சம் தள்ளிப் போடுங்கள்

சரியான வயது வருவதற்குள் முடி நரைக்க துவங்கி விட்டதா ? இதை கொஞ்ச நாட்களுக்கு தள்ளி போடலாம்.  நரைமுடி என்ன காரணத்தினால் வந்தது என்பதை முதலில் அறிந்து அதை சரி செய்ய முயற்சிக்க வேண்டும் மரபணுவால் வந்த நரையை தவிர மற்ற அனைத்தையும் ஓரளவு கட்டுப்படுத்தலாம்.

நரைமுடி உடல்நல பிரச்சனையாக இருந்தால் மருத்துவரை அணுகி அதற்கான சிகிச்சை பெறுவது அவசியம். இதனால் நரைமுடி தீவிரமாகாமல் மற்ற முடிகளுக்கு பரவாமல் தடுக்க முடியும். அதோடு நீங்கள் கவனம் செலுத்த வேண்டிய விஷயங்கள் குறித்தும் பார்க்கலாம்.

​தைராய்டு அளவை கட்டுப்படுத்துங்கள்

உடலில் தைராய்டு சுரப்பி உடலின் அனைத்து முக்கிய செயல்பாடுகளிலும் தாக்கத்தை உண்டாக்குகிறது. தைராய்டு ஹைப்பர் தைராய்டு அல்லது ஹைப்போ தைராய்டிசம் முன்கூட்டிய வெள்ளைமுடி ஏற்படலாம். அளவை கண்காணிக்க வேண்டியது அவசியம். இது உங்கள் தலைமுடியில் நிறமி இழப்பை ஏற்படுத்த காரணம் தைராய்டா என்பதை அறிந்து சிகிச்சை செய்ய வேண்டும்.

ஹைப்போ தைராய்டிசம் நாள்பட்ட தீவிரமான நிலை. ஹார்மோன் கூடுதலாக தேவைப்படலாம். தைராய்டு சுரப்பியில் சில உணவுகளும் இடையூறு உண்டாக்கலாம். சரியான முறையில் சிகிச்சை செய்தால் முடி நரை பிரச்சனை நீங்கும்.

​புற ஊதாக்திர்களிலிருந்து முடியை பாதுகாக்கவும்

ஆக்ஸிஜனேற்ற அழுத்தத்தின் வெளிப்புற காரணிகளில் புற ஊதாக்கதிர்களும் ஒன்று. இது முடியை முன்கூட்டியே நரைக்க செய்கிறது. அதனால் வெயிலில் வெளியே செல்லும் பொது தலைமுடி பாதுகாப்பாக இருப்பதை உறுதி செய்யுங்கள்.

அதற்கு தோதாக கூந்தலை முழுமையாக கவர் செய்யும் வகையில் துணியை, தாவணியை கூந்தலில் சுற்றி பிறகு மயிர்க்கால்களில் பாதுகாப்பு செய்து வெளியில் செல்லுங்கள். அதிக வெயில் நேரத்தில் வெளியில் செல்வதை தவிர்ப்பதே நல்லது.

​வைட்டமின்கள் அதிகரியுங்கள்

உங்கள் நரைமுடிக்கு காரணம் வைட்டமின் பி 12 என்றால் நீங்கள் போதுமான அளவு வைட்டமின் பி 12 எடுத்துகொள்ள வேண்டும். தலைமுடி சாம்பல் நிறத்தில் மாற இந்த வைட்டமின் குறைபாடும் காரணமாக இருக்கலாம். வைட்டமின் பி 12 குறைபாடு மோசமான பாதிப்பை உண்டாக்கும் இரத்த சோகைக்கு காரணமாகிறது. மேலும் உங்கள் தலைமுடி நிறத்தை இழப்பதும் இந்த வைட்டமின் குறைபாட்டின் அறிகுறியாக இருக்கலாம். வைட்டமின் பி12 போதுமான அளவு எடுப்பதன் மூலம் மேற்கொண்டு நரைமுடி வருவதை மாற்றி அமைக்கலாம்.

வைட்டமின் பி 12 நிறைந்த உணவுகளில் பால் மற்றும் பால் தயாரிப்புகள், முட்டைகள், விலங்குகளில் கல்லீரல், மீன், டுனா மீன், சால்மன், தயிர்,நண்டு போன்றவற்றில் வைட்டமின் பி 12 உள்ளன.

​வைட்டமின் பி 5 முடி நரைப்பதை தடுக்கவும் அதன் இயற்கையான நிறத்தை மீட்டெடுக்கவும் பயன்படுகிறது. இது முடி வளர்ச்சிக்கு உதவுகிறது. முடிக்கு ஈரப்பதத்தை அளிக்கிறது. உச்சந்தலை அழற்சி எதிர்ப்பு பண்புகளை கொண்டுள்ளது. வைட்டமின் பி5 காளான்கள், முழு தானியங்கள், ப்ரக்கோலி, சூரியகாந்தி விதைகள் போன்ற வைட்டமின் பி5 நிறைந்த உணவுகளை சேருங்கள்.

​புகைப்பிடிக்கும் பழக்கம் இருந்தால்

புகைப்பிடிக்கும் பழக்கத்தை பெண்களும் கொண்டிருக்கிறார்கள். தலைமுடியின் ஆரோக்கியத்திலும் முடியின் நிறத்திலும் புகைப்பிடிக்கும் பழக்கம் பெரும் தாக்கத்தை உண்டாக்குகிறது. இது உடலில் பாதகாமான விளைவுகளை உண்டாக்குவது போன்று கூந்தலுக்கு வெள்ளை நிறத்தையும் உண்டாக்கும். ஏனெனில் புகைபிடிக்காதவர்களை கட்டிலும் புகைப்பிடிப்பவர்கள் வேகமாக தலைமுடி நிறம் இழக்க வாய்ப்புள்ளதாக ஆய்வு சொல்கிறது.

​நரைமுடியை குறைக்கும் உணவுகள்

வெள்ளை முடியை குறைக்க எடுத்துகொள்ள வேண்டிய உணவுகளிலும் கவனம் செலுத்த வேண்டும். வைட்டமின் பி 12 குறைபாட்டால் நீங்கள் நரைமுடி பெற்றிருந்தால் கடல் உணவுகள், இறைச்சி, முட்டை போன்றவற்றை அதிகமாக எடுத்துகொள்ள வேண்டும்.

பால் மற்றும் சீஸ் போன்றவை நல்ல ஆதாரங்கள் ஆகும். சைவ உணவை எடுத்துகொள்பவர்கள் மருத்துவரை அணுகிய பிறகு வைட்டமின் பி 12 உணவுகளை தேர்வு செய்யலாம்.

பெர்ரி வகைகள், திராட்சை, பச்சை இலை கொண்ட காய்கறிகள், க்ரின் டீ போன்ற ஆக்ஸிஜனேற்ற நிறைந்த உணவுகளை உட்கொள்ளுங்கள். பெர்ரி பழங்கள் வைட்டமின் சி நிறைந்தவை. இறைச்சிகல் இரத்த சோகை மற்றும் இரும்புச்சத்து குறைபாடுகளை எதிர்த்து போராடுகிறது.

கேரட் வைட்டமின் ஏ நிறைந்திருக்கும் கறிவேப்பிலை - வைட்டமின்கள் பி மற்றும் செலினியம், அயோடின், துத்தநாகம் மற்றும் இரும்பு தாதுக்கள் நிறைந்தவை.

கீரைகள் மெலனின் உற்பத்திக்கு உதவுபவை. முட்டை வைட்டமின் பி 12 நிறைந்திருக்கும்.

பீன்ஸ் வகைகள் புரதத்தின் வளமான ஆதாரமாகும். சூரியகாந்தி விதைகள் ஆகிஸ்ஜனேற்றிகள் மற்றும் தாதுக்கள் நிறைந்தவை.

அக்ரூட் பருப்புகள் - தாமிரத்தின் வளரமான ஆதாரம் இதுவும் மெலனின் உற்பத்திக்கு உதவுகிறது.