detox-water-and-its-benefits டீடாக்ஸ் செய்யலாமா?

டீடாக்ஸ் செய்யலாமா?

தேநீர் குடித்தே உடலை ஆரோக்கியமாக்குவேன் என்று அடம் பிடிப்பவர்களுக்கானது இந்தக் கட்டுரை. இதன் சாதக பாதகங்களை உங்களுக்காக அலசுகிறார் ஃபாயே ரெமிடியாஸ்

 இரவில் நீண்ட நேரம் கண் விழித்திருப்பது, ஆரோக்கியமில்லாத உணவுத் தேர்வுகள், மன அழுத்தம் ஆகியவை எப்படிப்பட்டவரின் ஆரோக்கியத்தையும் கெடுத்துவிடும். இப்படி சேர்ந்துவிட்ட நச்சுக்களை எப்படி நீக்குவது?

மனித உடல் இயற்கையாகவே நச்சுக்களை வெளியேற்றும் திறன் கொண்டுள்ளது. கல்லீரல், சிறுநீரகம் இந்த பணியை பிரதானமாக மேற்கொள்கின்றன. அந்த செயல்பாட்டிற்கு தேநீர் உதவக்கூடியது. தினமும் 12 கப் டீ குடித்து நச்சுக்களை நீக்கும் (டீ&டாக்ஸ்) முறையைக் கேள்விப்பட்டிருக்கிறீர்களா? நிஜமாகவே இதைச் செய்பவர்கள் இருக்கிறார்கள். அதில் பலர் பிரபலங்கள். அதை நீங்களும் செய்யலாமா என்பதை இதைப் படித்துவிட்டு தீர்மானியுங்கள்.

Femina

டீ&டாக்ஸ் என்றால் என்ன?

“டீ&டாக்ஸ் உடலில் உள்ள நச்சுக்களை வெளியேற்ற பயன்படுகிறது. எடை குறைக்கவும், சரும பொலிவுக்கும் உதவுவதாகவும் கருதப்படுகிறது” என விளக்குகிறார் குர்காவ்னிலுள்ள பரஸ் மருத்துவமனையின் டயட்டெடிக்ஸ் பிரிவுத் தலைவர் டாக்டர் ராஷி சாஹல். “இது செல்லுலைட் கொழுப்பு சேர்வதையும் குறைக்கிறது. பட்டை, பெருஞ்சீரகம், இஞ்சி, கொத்தமல்லி, அனைஸ் விதைகள், பர்டாக் வேர், மஞ்சள் உள்ளிட்ட இயற்கையான பொருட்கள் தேநீரில் சேர்க்கப்படுவதுண்டு.” 

இந்த தேநீர்கள் நீங்கள் பருகும் வழக்கமான தேயிலை, சர்க்கரை, பால் கலவை அல்ல. மாறாக குறிப்பிட்ட பலனுக்காக பரிந்துரைக்கப்படும் மூலிகை, வாசனை திரவிய கலவைதான் இந்த தேநீர். எனவே மருத்துவர் அல்லது ஊட்டச்சசத்து வல்லுனர் வழிகாட்டுதல் இல்லாமல் நீங்கள் டீ&டாக்ஸ் மேற்கொள்ளக்கூடாது. 

“புத்துணர்ச்சி தரும் புதிய தேயிலையின் மருத்துவ குணம் இப்போது உலகம் முழுவதும் உணரப்பட்டு வருகிறது” என்கிறார் மும்பையிலுள்ள எஃப்.ஐ.எம்.எஸ் டயட் கிளினிக்கைச் சேர்ந்த தவனி ஷா. “உதாரணத்திற்கு, ஜப்பானின் மட்சா தேயிலையின் ஒரு கப்பில் 137 கப் க்ரீன் டீயின் ஆன்டி&ஆக்ஸிடென்ட் தன்மை இருக்கிறது. தேயிலையின் இந்த பண்புகளை சிகிச்சைக்காக மருத்துவர்கள் மற்றும் சுகாதார வல்லுனர்கள் பயன்படுத்த துவங்கியுள்ளனர்”. 

எப்படி செயல்படுகிறது?

“பிளாவனாய்டு நிறைந்த தேநீரை பருகுவது இதயம், சருமம், மூளை மற்றும் எலும்புகளை பாதுகாத்து, மன அழுத்தத்தை சமாளிக்க உதவும். உடல் எடையை பராமரிக்கவும், புற்றுநோய், டைப் 2 நீரிழிவு வராமல் தடுக்கவும் உதவும்” என்கிறார் ஆக்‌ஷன் புற்றுநோய் மருத்துவமனையின் மூத்த டயட்டீசியன் டாக்டர் ப்ரீத்தி ஜெயின். டீ&டாக்ஸ் தேநீர்கள் உங்கள் உடலுக்கான தண்ணீர் தேவையை பூர்த்தி செய்யவும் உதவுகிறது. தினமும் 8 கிளாஸ் தண்ணீர் குடிப்பதில் சிக்கல் உள்ளவர்களுக்கு இது உதவியாக இருக்கும். “இது உங்கள் சருமத்தை புத்துணர்ச்சி பெற வைத்து பொலிவாக்கும்” என்கிறார் டாக்டர் ஜெயின்.

காலையில் அது தூண்டுதலாக அமைந்து நாள் முழுவதும் ஆற்றல் அளிக்கிறது. உடலியக்கத்தை சீராக்கி பசியையையும் கட்டுப்படுத்துகிறது. மாலையில் அது உடலில் நச்சுக்களை நீக்குகிறது. ஜீரண அமைப்பில் இயங்கி நச்சுக்கள், பிற தேவையில்லாதவற்றை நீக்கி உடல் எடை குறையவும் உதவுகிறது.

ஒட்டுமொத்த உடல் ஆரோக்கியத்திற்கு டீ&டாக்சை பரிந்துரைக்கிறார் டாக்டர் சாஹல்.

 

சரியா, தவறா?

க்ரீன், பிளாக் மற்றும் ஒயிட் டீக்களில் கஃபைன் உள்ளது. எனவே அவற்றை அளவுடன்தான் அருந்த வேண்டும். எல்லா தேயிலைகளும் ஒன்றல்ல. “எல்லா மூலிகைகளும் எல்லோருக்கும் ஏற்றவை அல்ல. குழந்தைகளுக்கு பால் கொடுக்கும் தாய்மார்கள், கர்ப்பிணிகள் மற்றும் மைக்ரேன், அசிடிட்டி பிரச்சனை உள்ளவர்கள் மூலிகை தேயிலையை தேர்வு செய்யும் போது கவனமாக இருக்க வேண்டும்” என்று எச்சரிக்கிறார் இயற்கை மருத்துவ சிகிச்சை அளிக்கும் டாக்டர் லாரா ஷா. “கல்லீரல் பாதிப்பு, பெருங்குடல் பாதிப்பு போன்றவை உள்ளவர்கள் டீ&டாக்ஸை தவிர்க்க வேண்டும். மேலும் மருத்து உட்கொள்பவர்கள் குறிப்பாக கருத்தடை மாத்திரை பயன்படுத்துபவர்கள் தங்கள் டாக்டரிடம் இது குறித்து ஆலோசனை பெற்று செயல்படவேண்டும்” என்கிறார் ஆஸ்தடிக்ஸ் மெடிஸ்பாவின் டாக்டர் மாதுரி பவார். 

டீ&டாக்சின் பொதுவாக சென்னா எனும் ஆவாரை இலை கொண்டு செயல்படுகிறது. இது லேசான சுளுக்கை உண்டாக்கலாம். “வயிற்றுப்போக்கு, வாந்தி, தலைவலி, மயக்கம் அல்லது தீவிர சுளுக்கு போன்ற பாதிப்பு ஏற்பட்டால் தேநீரின் வீரியத்தை குறைக்கவும் அல்லது நிறுத்திவிட்டு டாக்டரின் ஆலோசனையை நாடவும்” என்கிறார் டாக்டர் பவார். “இவற்றில் சில மிகவும் தீவிரமானதாக இருக்கும் என்பதால், 15 வயதுக்கு கீழே உள்ளவர்கள், கர்ப்பிணிகள், பாலூட்டும் தாய்மார்கள் இவற்றைத் தவிர்க்க வேண்டும்” என்று எச்சரிக்கிறார் டாக்டர் ஜெயின். ஆண்டுக்கு 2 அல்லது நான்கு முறை டீ&டாக்ஸ் மேற்கொள்ளலாம் என பரிந்துரைக்கும் டாக்டர் ஜெயின் ஒவ்வொரு முறைக்கும் இடையே 14&28 நாட்கள் கொண்ட ஆறு வார கால இடைவெளி தேவை என்றும் சொல்கிறார். 

டீ&டாக்ஸ் செய்துகொள்ள நீங்கள் ஆரோக்கியமாகவும் வலுவாகவும் இருக்க வேண்டும். “சமீபத்தில் ஆன்டி&பயாடிக் எடுத்துக்கொண்டிருந்தால் அல்லது பொதுவாக உடல் நலக்குறைவால் பாதிக்கப்பட்டிருந்தால், நச்சு நீக்கம் கூடுதல் சுமையை அளிக்கும். அப்படிப்பட்டவர்கள் டீ&டாக்ஸ் செய்ய வேண்டாம். முழுவதும் குணமாகும் வரை சில வாரங்கள் காத்திருத்தல் நல்லது” என்று விளக்கம் தருகிறார் டாக்டர் ஜெயின். மேலும் டீ&டிடாக்ஸ் ஆரோக்கியமான உணவுக்கோ அல்லது உடற்பயிற்சிக்கோ மாற்றாக இருக்கக்கூடாது. ‘‘உள்ளுணர்வின்படி அல்லது ஊட்டச்சத்து வல்லுனர் ஆலோசனைப்படி பழங்கள், காய்கறிகள் போன்ற ஆரோக்கியமான உணவை உட்கொள்வதை தொடர வேண்டும், கலோரி அளவை பராமரிக்க வேண்டும்” என்கிறார் ஊட்டச்சத்து வல்லுனரும் இன்ஸ்டிடியுட் ஆப் கெமிகல் டெக்னாலஜி உணவு அறிவியல் ஆய்வாளருமான நிதிஷா நாயக்.