food-for-the-nursing-moms தாய்ப்பாலூட்டும் தாய்மார்களுக்கான டயெட்

தாய்ப்பாலூட்டும் தாய்மார்களுக்கான டயெட்

பாலூட்டும் தாய் தனது குழந்தைக்கும் சேர்த்து உணவை சாப்பிட வேண்டும். சத்தான உணவே ஆரோக்கியமான குழந்தைக்கு வழிவகுக்கும். தாய்மார்கள் சாப்பிட வேண்டிய உணவுகளைப் பற்றி நீத்தி ஜெய்சாந்தர் பகிர்ந்துள்ளார்

நீங்கள் புதிய தாயாகி இருந்தால், முழுமையாக அல்லது அவ்வப்போதாவது உங்கள் குழந்தைக்குப் பாலூட்டிக் கொண்டிருப்பீர்கள். உங்கள் குழந்தையின் பாலுக்கான ஆதாரத்தைத் தேர்வு செய்வது முழுமையாக உங்கள் உரிமை என்றாலும், தாய்ப்பாலின் ஏராளமான பலன்களை யாராலும் மறுக்கவே முடியாது. முதலில், குழந்தையின் முதன்மையான இயற்கை உணவு ஆதாரம் அதுதான். மேலும் அதில் குழந்தையின் நோய் எதிர்ப்ப ு சக்தியை மேம்படுத்தும் ஆன்டிஜென்களும் ஆன்டிபாயடிகளும் நிறைந்திருப்பதால், வைரஸ்கள் மற்றும் பாக்டீரியாக்களை எதிர்த்து குழந்தைகள் போராட முடியும். குழந்தையின் முதல் ஆறு மாதங்களே, ஒட்டுமொத்த குழந்தைப்பருவத்தின் நலவாழ்வைத் தீர்மானிக்க அவசியமானவை. முதல் மூன்று மாதங்களுக்கு தாய்ப்பாலை மட்டுமே குடித்த குழந்தைகளுக்கு ஆஸ்துமா பாதிப்புகள், பிற மூச்சு பிரச்சனைகளும், வயிற்றுப்போக்கு போன்ற பிற குறைபாடுகளும் அலர்ஜிகளும் குறைவாகவே ஏற்பட்டதாக ஆய்வுகள் காட்டுகின்றன. குழந்தையின் மூளை வளர்ச்சிக்கும் இது அத்தியாவசியமானது. லுகிமியா மற்றும் நீரிழிவு நோய்கள் போன்றவை ஏற்படுவதற்கான வாய்ப்பையும் இது குறைக்கிறது.

தாய்ப்பால் அளிப்பது குழந்தைகளுக்கு மட்டுமின்றி, தாய்களுக்கும் நல்லது. குழந்தைக்கு தாய்ப்பாலூட்டும் பெண்கள், தாய்பாலூட்டாத பெண்களை விட வேகமாக குணமடைகிறார்கள், சிசெரியன் செய்தாலும் கூட இதன் பலன்கள் கிடைக்கின்றன. குழந்தையின் பால் குடிக்கும் செயல்பாடு, உடலில் ஆக்ஸிடோசினை வெளியிட்டு, கர்ப்பப்பையை வேகமாக குணமாக்குகிறது. குழந்தைப்பேற்றுக்குப் பின்பு உடலின் அதிகப்படியான எடையை குறைப்பதிலும் தாய்ப்பாலுட்டுவது உதவுகிறது. மேலும் கர்ப்பைப் புற்றுநோய் மற்றும் மார்பகப் புற்றுநோய் ஏற்படும் அபாயத்தையும் குறைக்கிறது. எலும்புகளின் ஆரோக்கியமும் மேம்படுகிறது. தாய்ப்பாலூட்டுவது உடலில் மட்டுமல்ல, மனதளவிலும் பலன்களைத் தருகின்றது. குழந்தைப் பேற்றுக்குப் பின்பான மன அழுத்தம் குறைவடைவதற்கு வாய்ப்புகள் உள்ளன. மேலும் தாய்ப்பால் மற்ற வழிமுறைகளை விட மலிவானது என்பதையும் மறக்காதீர்கள் (நல்ல தரமான பால் பவுடர்களின் விலை அதிகம் என்பதோடு, அவை சுற்றுச்சூழலையும் மாசுப்படுத்தக்கூடியவை!). மேலும் பாட்டில்கள், ஸ்டெர்லைசர்கள் மற்றும் வேறு சில தேவையற்ற பொருட்களை வாங்குவதையும் தவிர்க்கலாம்.

ஆனாலும், இவை எல்லாமும், உங்களிடமிருந்து குழந்தைக்கு கிடைக்கும் பாலின் தரமும் அளவும் போதுமான அளவு இருப்பதை உறுதிப்படுத்திக் கொள்வதே மிகவும் முக்கியமானது. மேலும் தாய்ப்பால் தருவதால் உங்களுக்கு ஏற்படக் கூடிய தேவைகளையும் ஆற்றலையும் ஈடுசெய்யும் அளவுக்கு போதுமான ஊட்டச்சத்துகள் கிடைப்பதையும் உறுதிசெய்து கொள்ள வேண்டும். இதை செய்வதற்கு ஒரே வழி, உங்கள் தேவைகளைப் பூர்த்திசெய்யும் உணவுமுறையைப் பின்பற்றுவதுதான். பிரபலமான நம்பிக்கைகளுக்கு மாறாக, நீங்கள் கர்ப்பமாக இருக்கும்போதோ அல்லது பாலூட்டும்போதோ நீங்கள் இரண்டு பேருக்கு சாப்பிட வேண்டியதில்லை. பொதுவாக, பாலூட்டும் தாய்மார்கள், வழக்கமான அளவை விட 500 கலோரிகள் அதிகமாக தங்கள் உணவில் சேர்த்துக் கொண்டால் போதும், அதேபோல, புரதங்கள், கார்போஹைட்ரேட்கள், இரும்புச்சத்து, வைட்டமின்கள் மற்றும் கால்சியம் போன்றவற்றை சமநிலையில் எடுத்துக் கொள்ள வேண்டும். உங்கள் உணவு முறைகளில் பின்பற்ற வேண்டிய அத்தியாவசியமான வழிமுறைகளை இந்த வாரம் முழுவதும் பார்த்திடலாம்.