புளியங்கொட்டையில் நாம் நினைச்சே பார்க்காத அளவு மருத்துவ குணங்கள் இருக்கு... இனி தூக்கி வீசாதீங்க...
குறிப்பாக வங்காள உணவு வகைகளில் புளிக்கு பெரும் பங்கு உண்டு. ஊறுகாய், சட்னி மட்டுமின்றி சில வகை பிரியாணிகளில் கூட புளி சுவைக்காக சேர்க்கப்படுகிறது. பல்வேறு நன்மைகளைக் கொண்ட புளியைப் போல் புளியங் கொட்டையும் பல நன்மைகள் கொண்டது. இதுகுறித்து ஐஐடி நிறுவனத்தின் பயோடெக்னாலஜி துறையில் ஆய்வு மேற்கொள்ளப்பட்டது. புளியங்கொட்டையில் உள்ள ஆன்டி வைரல் பண்புகள், கொசுக்களால் பரவும் சிக்குன்குனியா போன்ற நோய்களைத் தடுப்பதில் மிகவும் பயனுள்ளதாக உள்ளது என்று அறியப்பட்டது. மேலும், புளியங்கொட்டையில் உள்ள பல்வேறு நன்மைகள் என்னவென்று தெரிந்து கொள்ளலாம் வாங்க.
புளியங்கொட்டையின் தூள் பற்களுக்கு மிகவும் பயனுள்ளதாக இருக்கும் என்று சொல்லக் கேட்டிருப்போம். சிகரெட் மற்றும் குளிர் பானங்களை அதிகம் உட்கொள்ளும் நபர்களுக்கு பற்களில் கறை மற்றும் பிளேக் ஏற்படும். இதுபோன்ற சமயத்தில், புளியங்கொட்டையின் தூளை பேஸ்ட் உடன் கலந்து பல் துலக்கலாம். இதனால் பற்களின் கறைகள் நீங்குவதோடு, பற்களின் ஆரோக்கியமும் மேம்படுத்தப்படும்.
புளியங்கொட்டையின் சாறு வயிற்றுக்கு மிகவும் நன்மை பயக்கும், அதிலும் குறிப்பாக அஜீரணத்தை குணப்படுத்தும். புளியங்கொட்டையில் நார்ச்சத்து நிறைந்துள்ளது. இது கெட்ட கொழுப்பின் அளவைக் குறைத்து, செரிமானத்தை சீராகவும், மேம்படுத்த உதவுகிறது.
ஆன்டி வைரல் பண்புகள் நிறைந்துள்ள புளியங்கொட்டை, உங்கள் சருமத்தை தொற்றுகளிலிருந்து பாதுகாக்கிறது. மேலும், சிறுநீர் பாதை மற்றும் உணவுக்குழாய் நோய்த்தொற்றுகளை சரி செய்ய புளியங்கொட்டையின் சாறினை குடிக்கலாம்.
No comments:
Post a Comment