6 Signs That You’re Drinking Too Much Water And Overhydratedஇந்த 6 அறிகுறிகள் இருந்தா நீங்க அளவுக்கு அதிகமா தண்ணி குடிக்கிறீங்கனு அர்த்தமாம்...

இந்த 6 அறிகுறிகள் இருந்தா நீங்க அளவுக்கு அதிகமா தண்ணி குடிக்கிறீங்கனு அர்த்தமாம்...

மனிதனின் உடல் சுமார் 80 சதவீதம் தண்ணீரால் நிரம்பியுள்ளது என்பது அனைவருக்கும் தெரியும். ஒவ்வொரு உடல் உறுப்பு, உயிரணுக்கள் மற்றும் உடலின் திசுக்கள் செயல்பட சரியான அளவு தண்ணீர் நம் உடலில் இருத்தல் அவசியம். ஒரு நாளைக்கு குறைந்தது 3 முதல் 4 லிட்டர் வரை ஒருவர் தண்ணீர் அருந்த வேண்டும் என்று நாம் படித்திருப்போம். சிலர் இதனை தினமும் சரியாக செய்து தினசரி 3 லிட்டர் அல்லது 4 லிட்டர் என்ற இலக்கை அடைய வேண்டும் என்று நினைத்து நிறைய தண்ணீர் குடிப்பர்.

நாம் தண்ணீர் குடிக்கும் போது பொதுவாக ஒரு விஷயத்தை மறந்து விடுகிறோம். அது என்னவெனில் நாம் உண்ணும் உணவிலும் தண்ணீரே கலந்து உள்ளது என்பது தான். இதனை மறந்து விட்டு நிறைய தண்ணீரை சிலர் எடுத்துக் கொள்கின்றனர். சரியான அளவு தண்ணீர் குடிக்காமல் இருப்பது எப்படி பிரச்சனைக்கு வழி வகுக்குமோ, அதேபோல் தான் அதிக அளவு தண்ணீர் குடிப்பதும் பல பிரச்சனைகளுக்கு காரணமாகும்.

உடலுக்கு தேவையானதை விட அதிக அளவு நீர் அருந்தும் போது, உங்களுக்கு அதிக நீரிழப்பு ஏற்படக்கூடும். அதிகப்படியான நீரிழப்பு சில பக்க விளைவுகளை ஏற்படுத்தும். அவை கடுமையானவையாக இல்லாவிட்டாலும், உங்களின் அன்றாட நிகழ்வை சீர்குலைக்கும். நீங்கள் அதிக அளவில் தண்ணீர் குடிகின்றீர்கள் என்பதற்கான அறிகுறிகள் என்னவென்று தெரிந்து கொள்வோம் வாங்க.

நீங்கள் போதுமான அளவு தண்ணீர் குடிக்கிறீர்களா என்பதை தீர்மானிக்க உதவும் சிறந்த வழிகளில் ஒன்று தான் உங்கள் சிறுநீரின் நிறத்தை கண் கண்காணிப்பதாகும். சிறுநீரின் நிறம் அடர் மஞ்சள் நிறமாக இருந்தால், அது ஒரு மோசமான அறிகுறியாகும். ஏனெனில், இது உங்களுளின் உடலில் சரியான அளவில் நீர்ச்சத்து இல்லை என்பதை குறிக்கும். அதேவேளையில், உங்கள் சிறுநீர் வெளிர் மஞ்சள் நிறத்தில் இருந்தால், உங்களின் உடலில் சரியான நீரேற்றம் உள்ளது என்பதன் அறிகுறியாகும். அதேபோல் சிறுநீரின் நிறம் தண்ணீரின் நிறத்தை ஒத்து இருந்தால், அவர்கள் அதிக அளவு தண்ணீரை எடுத்துக் கொள்கிறார்கள் என்று அர்த்தம். இது அதிக அளவு நீரிழப்பு ஏற்படுகிறது என்பதை குறிக்கும்.

பெரும்பாலான மக்கள் ஒரு நாளைக்கு 6 முதல் 8 முறை வரை சிறுநீர் கழிக்கிறார்கள். ஆனால் நீங்கள் ஒரு நாளைக்கு பத்து முறைக்கு மேல் சிறுநீர் கழித்தால், உங்கள் உடலுக்குத் தேவையானதை விட அதிக அளவு தண்ணீர் குடிக்கிறீர்கள் என்று அர்த்தம்.

அதிகமாக தண்ணீர் குடிப்பதால் ஹைபோநெட்ரீமியா ஏற்படுகிறது. இது அதிக நீரிழப்பின் அறிகுறியாகும். ஹைபோநெட்ரீமியா என்பது இரத்தத்தில் உள்ள குறைந்த சோடியம் அளவின் வகையாகும். இது உங்கள் உடலின் ஆற்றல் மட்டங்களில் சோர்வை ஏற்படுத்தும். அதோடு, மயக்கம் மற்றும் உடல் சோர்வையும் ஏற்படுத்தும்.

நம் உடலின் எலக்ட்ரோலைட் சமநிலையை பராமரிப்பதில் நீர் முக்கியத்துவம் வாய்ந்தது. எலக்ட்ரோலைட்டுகள் நமது உடலின் செயல்பாட்டுக்கான ஆற்றல் மட்டத்தை உயர்த்த உதவுகின்றன. நீங்கள் அதிகமாக தண்ணீர் குடிக்கும் போது, எலக்ட்ரோலைட் சமநிலையில் மாறுபாடு ஏற்படும். இந்த மாறுபட்டால் ஹைபோநெட்ரீமியா, கைகள், கால்கள் அல்லது உதடுகளில் வீக்கம் ஏற்படலாம்.